Look Who it Was Random video

Fraide Novemba 9, 2018 | TOKPISIN NIUS HETLINES

89 views · Published 11 November 2018 · 1:57 · Indexed 8 October 2026

Channel: EMTV Online · 2018 · Film & Animation

Watch on YouTube

HEVI LONG SOT LONG MARASIN I KAMAP LONG PALAMEN KIBUNG
Displa wik ol bikpla hevi long kantri olsem sot blong marasin i bin kamap long palamen, bihain long Novemba kibung blong em i go het displa wik.
Long ol wik i go pinis,ol nes i bin krai long marasin i save sot, na ol i no inap long halivim ol sikmanmeri.
Wanpla sinia dokta tu i bin askim long gavman i mas sekim na stretim displa hevi.
Long palamen, memba blong Ijivitari, RICHARD MASERE, i bin go pas long askim long displa hevi, long wanem, em yet i bin kisim balus kam long Mosbi long go long hausik, long wanem ol klinik long Popondeta yet i nogat malaria banis marasin.
Scott Waide i bin glasim displa hevi, na ol bekim blong helt minista long ol displa askim. 

SAMPLA OL BIKPLA HOTEL LONG SITI I PULAP PINIS 
Wantaim bikpla namba blong ol lain manmeri blong ol arapla kantri husat bai kamap long Mosbi long laspla bikpla wik blong APEC kibung, sampla ol bikpla hotel long siti i pulap pinis.
Holiday Inn hotel i tok em i redi long kisim olgeta ol displa lain, na bai ol i lukautim ol gut.

PRESIDEN BLONG SAINA BAI OPIM NIUPLA BUTUKA AKADEMI
Presiden blong Saina, XI JINPING, bai kamap long kantri, na wanpla wok em bai mekim, em long opim niupla Butuka Akademi.
Displa niupla skul em i presen we Saina i givim long Papua Niugini.
Skul i stap insait long Mosbi Saut ilektret blong NCD. Memba blong displa ilektret, em Minista i bosim wok APEC, JUSTIN TKATCHENKO.
Ol sumatin i wok lainim singsing long tok ples Saina, long singsing taim Presiden blong Saina i kamap long skul blong ol neks wik.

More from this channel