സമാനതകളില്ലാത്ത പ്രതിസന്ധി മറികടക്കുന്നതിന് കൈമെയ് മറന്നുസഹായിച്ച എല്ലാവര്‍ക്കും നന്ദി: മുഖ്യമന്ത്രി
316 views · Published 19 August 2018 · 41:43 · Indexed 31 October 2026
Channel: Monsoon Media · 2018 · News & Politics
സംസ്ഥാനത്തുണ്ടായ പ്രളയ ദുരിതത്തെ തുടർന്ന് 7,24,649 പേര്‍ വിവിധ ക്യാമ്പുകളില്‍ കഴിയുന്നുണ്ട്. 5,645 ക്യാമ്പുകളാണ് സംസ്ഥാനത്ത് പ്രവര്‍ത്തിക്കുന്നത്. ക്യാമ്പുകളില്‍ നിരവധി സ്ത്രീകളുണ്ട്. ഇവരുടെ ഉള്‍പ്പെടെയുള്ള സുരക്ഷയ്ക്കായി ഇവിടെ വനിതാ പോലീസിനെ വിന്യസിക്കും. വെള്ളം കയറിയ നിലയില്‍ നിരവധി വീടുകളുണ്ട്. ഇവിടങ്ങളില്‍ ശുചീകരണ പ്രവര്‍ത്തനങ്ങള്‍ പ്രധാനമാണ്. ആരോഗ്യ പരിപാലനത്തി പ്രത്യേക ശ്രദ്ധ പതിയണം. ഇല്ലെങ്കില്‍ പകര്‍ച്ച വ്യാധികള്‍ ഉള്‍പ്പെടെ പടര്‍ന്നു പിടിക്കാന്‍ സാധ്യതയുണ്ട്. ഇത്തരം പ്രവര്‍ത്തനങ്ങള്‍ ഏകോപിപ്പിക്കുന്നതിനായി പഞ്ചായത്തില്‍ ഹെല്‍ത്ത് ഓഫീസര്‍മാരെ നിയമിക്കും. ശുദ്ധ ജല വിതരണം യുദ്ധകാലാടിസ്ഥനത്തില്‍ നടപ്പാക്കും. മാലിന്യ നിര്‍മാര്‍ജനം ചെയ്യുന്നതിന് പ്രാധാന്യം നല്‍കും. തദ്ദേശ സ്ഥാപനങ്ങളുടെ നേതൃത്വത്തില്‍ ഹരിത കേരള മിഷന്റെയും പൊതുജന സഹകരണത്തോടെയും ഇക്കാര്യങ്ങള്‍ ചെയ്യും. ആരോഗ്യ വകുപ്പിന്റെയും തദ്ദേശ വകുപ്പിന്റെയും അഡീഷണല്‍ ചീഫ്സെക്രട്ടറിമാരുടെ നേതൃത്വത്തിലുള്ള ഉപസമിതിയെ ശുചീകരണ പ്രവര്‍ത്തനങ്ങള്‍ക്ക് മേല്‍നോട്ടം വഹിക്കാന്‍ ചുമതലപ്പെടുത്തിയിട്ടുണ്ട്. നിലവിലെ സാഹചര്യം കണക്കിലെടുത്ത് സംസ്ഥാനത്തെ ഓണപ്പരീക്ഷമാറ്റിവയ്ക്കാന്‍ തീരുമാനച്ചിട്ടുണ്ട്. പാഠപുസ്തകം നഷ്ടപ്പെട്ട കുട്ടികള്‍ക്ക് പുതിയത് സൗജന്യമായി നല്‍കും. 36 ലക്ഷം പുസ്തകങ്ങള്‍ അച്ചടിച്ചുകഴിഞ്ഞതായും മുഖ്യമന്ത്രി അറിയിച്ചു. രക്ഷാ പ്രവര്‍ത്തനങ്ങളിലെ മല്‍സ്യത്തൊഴിലാളികളുടെ സേവനം മാതൃകാപരം. സേവനത്തിന് ശേഷം മടങ്ങുന്ന മല്‍സ്യത്തൊഴിലാളികള്‍ക്ക് തിരികെ പോവാനുള്ള സഹായം ജില്ലാഭരണ കുടങ്ങള്‍ ലഭ്യമാക്കും. ഇന്ധനത്തിന് പുറമേ ഒരു ദിവസത്തിന് 3000 രൂപയും നല്‍കും. രക്ഷാ പ്രവര്‍ത്തനത്തില്‍ പങ്കെടുത്ത് മടങ്ങുന്നവര്‍ക്ക് തദ്ദേശ സ്വയംഭരണ സ്ഥാപനങ്ങള്‍ സ്വീകരണം നല്‍കും. ഗതാഗതം മേഖല പുനസ്ഥാപിക്കും. റെയില്‍വെയുടെ തകരാറുകള്‍ വേഗത്തില്‍ പരിഹരിക്കുമെന്ന് അറിയിച്ചിട്ടുണ്ട്. വന്‍നാശ നഷ്ടങ്ങളാണ് റോഡുകള്‍ക്കുണ്ടായിട്ടുള്ളത്. നേരത്തെ മാറ്റിവെച്ച ആയിരം കോടി രൂപ ഇത് പരിഹരിക്കാനുപയോഗിക്കും. സമാനതകളില്ലാത്ത പ്രതിസന്ധി മറികടക്കുന്നതിന് കൈമെയ് മറന്ന സഹായിച്ച എല്ലാവര്‍ക്കും നന്ദി അറിയിക്കുന്നുവെന്നും മുഖ്യമന്ത്രി പറഞ്ഞു. ഇതര സംസ്ഥാനങ്ങളും ഒരുപാട് സഹായിച്ചു. രക്ഷാപ്രവര്‍ത്തന്തിന് സഹകരിച്ച സ്ഥാപനങ്ങള്‍, മൊബൈല്‍ സേവനദാതാക്കള്‍ എന്നിവര്‍ക്കും നന്ദിയുണ്ട്. പ്രവാസികളുടെയടക്കം സഹകരണത്തിന് സര്‍ക്കാരിന് വലിയ കടപ്പാടും നന്ദിയുമുണ്ടെന്നും മുഖ്യമന്ത്രി അറിയിച്ചു.
More from this channel
-
0:20
Onam Wishes by Sarayu in Monsoon Media
-
2:02
Job Shop Episode-1
-
2:13
IFFK 2012 Inauguration
-
1:42
IFFK 2012 - Film Division Exhibition & Sathyan photo Exhibition
-
0:37
International Martial Arts Festival Kerala
-
8:23
IFFK 2012 Awards-Closing Ceremony.
-
0:37
GKSF Season 6 Inauguration
-
1:27
Road Safety Week Inauguration