Look Who it Was Random video

10 Oktoba | EMTV Nesenel Nius Long Tok Pisin

87 views · Published 10 October 2018 · 1:33 · Indexed 29 September 2026

Channel: EMTV Online · 2018 · News & Politics

Watch on YouTube

GUTNAIT TRU, Hia nau em nius long tok pisin

PNGTA RESPONDS
Ol tisa i wok long karim hevi blong asua i kamap long peirol sistem blong gavman.
Displa em i tingting blong PNG Tisa's Asosiesen.
Tete PNGTA i tok samting olsem 493 tisa long kantri i lukim moni i lus long pei blong ol.
Edukesen Dipatmen na Tising Sevises Komisin i tok ol displa rausim long moni em bikos ol tisa i gat ol dinau blong benk.
Tasol PNGTA i bilip strong olsem ol stilman i go insait long peirol sistem, na yusim nem blong ol tisa long kisim dinau moni long ol benk.
Ol i singaut strong long wok painimaut i mas kamap long displa hevi.

OL KAR BLONG APEC
Ol kar blong ron long taim blong APEC Lida Samit wik i kamap pinis long Mosbi.
Ol displa kar, bas na paia trak tu i kam long Saina aninit long pasin pren em i gat wantaim Papua Niugini.
Sampla long ol displa kar em 40-pla Maserati spots kar, we ol bai yusim long karim ol biknem lida blong ol APEC kantri raun, taim ol i kamap long Mosbi long mun i kam.
Displa ol kar, em Minista blong APEC, Justin Tkatchenko i tokaut tete apinun, olsem praivet sekta o ol bisnis yet i baim ol displa kar blong APEC kibung.

EM TASOL NIUS LONG TOK PISIN, Goodnight tru.


- visit us on http// www.emtv.com.pg for more news....

More from this channel