Autoplay Next video from Max length
How Can Court Decide That People Can Drink Alcohol Or Not Asks Sanjay Raut

175 views · Published 22 April 2017 · 0:53 · Indexed 10 November 2026
Channel: Loksatta · 2017 · Entertainment
सर्वोच्च न्यायालयाने रस्ते सुरक्षिततेच्या दृष्टीने महामार्गालगतच्या ५०० मीटर परिसरातील दारूची दुकाने बंद करण्याच्या दिलेल्या आदेशावर शिवसेना खासदार संजय राऊत यांनी जोरदार टीका केली. लोकांनी दारू प्यायची किंवा नाही, हे न्यायालय कसे ठरवू शकते. तसेच दारुची दुकाने किती अंतरावर असली पाहिजेत, हे सांगण्याचा हक्क न्यायालयाला कुणी दिला? हा निर्णय सर्वस्वी सरकारचा आहे. एवढेच असेल तर सर्वप्रथम सरकारी अनुदानातून सुरू असलेले न्यायमुर्तींचे क्लब बंद करावेत, असे राऊत यांनी म्हटले. तुम्ही सोई-सवलती मिळवता आणि इतर लोकांच्या जीवनातला आनंद मात्र नष्ट करता. लोकशाहीत त्यांना थोडातरी आनंद मिळू द्या, असा टोलाही राऊत यांनी हाणला. ते शुक्रवारी नाशिकमध्ये आयोजित करण्यात आलेल्या कार्यक्षम आमदार पुरस्कार सोहळ्यात बोलत होते. यावेळी राऊत यांनी न्यायालयांकडून सध्या अनेक प्रकरणांमध्ये देण्यात येणाऱ्या निर्णयांविषयी नाराजी व्यक्त केली. सध्या न्यायालय हे राज्यकर्त्यांप्रमाणे वागत आहे. एवढेच राजकारण करायची हौस असेल आणि त्यांच्यात हिंमत असेल तर त्यांनी मैदानात उतरावे. अशाप्रकारचे निर्णय घेणाऱ्या न्यायमूर्तींनी प्रथम आपल्या पदाचा राजीनामा द्यावा आणि निवडणुकीला उभे राहावे. लोकांमध्ये गेल्यावर मग त्यांना किती मतं पडतात ते पाहू, असे राऊत यांनी म्हटले.
How Can Court Decide That People Can Drink Alcohol Or Not Asks Sanjay Raut

More from this channel
