Sa bellesa de Clori - Santu Lussurgiu, 11/04/2009

2,280 views · Published 27 May 2010 · 2:29 · Indexed 31 October 2026

Channel: Eros Suà · 2010 · Music

Watch on YouTube

Santu Lussurgiu, 11/04/2009

La mezzanotte è passata, il Venerdì Santo se ne è andato; dopo tanti canti sacri, i coristi della Confraternita del Rosario, sostenuti da qualche bicchiere di vino, ritornano alla quotidianità intonando serenate e altri canti profani.

"Sa bellesa de Clori"
di Paolo Mossa (Bonorva 1821 - 1892)


                        1.
Ite bella chi ses, cantu m'aggradas,
Cantu a sos ojos mios ses grasciosa!
A mes'abrile non fiorit rosa
Colorida che tue e attraente...
Tue faghes amante unu serpente
Cun sos risittos tuos e miradas!

                      2.

Ite bellesa in gradu soberanu,
Che tue no nde 'antat ates'una
S'edad'antiga ne i sa novella...
Bellos sun sos fiores in beranu,
Est bella s'aurora e i sa luna,
Ma tue ses ancora pius bella!

                    3.

In sa persone lughes che istella
E incantu dezisu in ojos giughes,
In sa persone che istella lughes
E ispannas sas nues cun su risu,
In ojos giughes incantu dezisu
Pro lassare ogni coro a pesa-rue...
Bellos sun sos fiores in beranu,
Est bella s'aurora e i sa luna,
Ma ses ancora pius bella tue!

                    4.
Sa Sardigna chirchadela in totue,
Ch'est vanu a nd'incontrare tantu digna;
Chircadela in totue sa Sardigna,
O isparghide vela in altu mare;
Est vanu tantu dign'a nd'incontrare,
Essende a totucantas superiora...
Bellos sun sos fiores in beranu,
Est bella s'aurora e i sa luna,
Ma tue pius bella ses ancora!

                    5.
Angelica, Didone, Eleonora
It'est su ch'an de raru in paragone?
Eleonora, Angelica, Didone,
E i sa matess'Elena, ispartana,
De raru in paragone it'est su ch'ana
Pro chi naschidas sian dae res?
Bellos sun sos fiores in beranu,
Est bella s'aurora e i sa luna,
Ma tue pius bella ancora ses!

                   6.
Pro cussu isciau tou aer mi dés
Sinzeru adoradore sempre a prou;
Pro cussu aer mi dés isciau tou;
Mi paghes de disdignu o de amore,
Sempr'a prou sinzeru adoradore
In festinu o in lagrimas dolente.
Tue faghes amante unu serpente
Cun sos risittos tuos e miradas...
Ite bella chi ses, cantu m'aggradas!

More from this channel