Look Who it Was Random video

11 Oktoba | EMTV Nesenel Nius Long Tok Pisin

33 views · Published 12 October 2018 · 1:38 · Indexed 29 September 2026

Channel: EMTV Online · 2018 · News & Politics

Watch on YouTube

GUTNAIT TRU, Hia nau em nius long tok pisin

PAYMENT FOR MASERATIS
Praim Minista PETER O'NEILL i tok gavman bai no inap tromoi wanpla toea long baim 40 Maserati supa spots kar we ol bai yusim long karim ol lida blong ol bikpla kantri long mun Novemba.
Praim Minista i tok displa ol kar, em ol bisnis yet i baim ol. Na bihain long APEC kibung, em bai go bek long ol bisnis husat i tromoi moni long baim ol.

CHINESE ASSISTANCE
Ambeseda blong China long PNG, XUE BING, i tok PNG na Saina i gat gutpla pasin poroman, na i nogat wanpela belnogut tingting i stap.
Ambeseda Bing i tromoi displa toktok taim em i bekim planti ol nius long ol arapla kantri, olsem Saina i kam long stilim kantri blong ol lain long Pasifik.
Em i tok i nogat wanpla hait tingting i stap long halivim Saina i givim long PNG.

LAE CITY AUTHORITY FORMED
Nambawan bod blong niupla Lae Siti Atoriti i mekim tok promis blong ol tete.
Lae Siti Atoriti nau bai lukautim em yet, na tu, em bai go het long kisim takis long sevis ol manmeri i save yusim taim ol i stap long Lae.
Pawa blong displa atoriti bai wankain olsem blong Nesenel Kapitel Distrik Komisin long Mosbi, tasol em bai lukluk long 9-pla distrik blong Morobe tu.

EM TASOL NIUS LONG TOK PISIN, Goodnight tru.

More from this channel