नेपाली मोटरसाइकल बजारमा बजाजको ‘भि १५’ बाइक प्रवेश | Bajaj V 15 New Model Launched
2,908 views · Published 11 July 2016 · 5:45 · Indexed 31 October 2026
Channel: BIPS MEDIA PVT. LTD. · 2016 · Autos & Vehicles
नेपाली मोटरसाइकल बजारमा नयाँ स्टाइलिस मोडल प्रवेश गरेको छ । भारतीय चर्चित बाइक निर्माता बजाजले ‘भि १५’ नेपाल भित्राएको हो । बजाजको बिक्रेता आशिर्बाद अटोमोबाइल्स खैरहनीले एक समारोहबीच ‘भि १५’ बाइक सार्वजनिक गर्यो । यो बाइकमा हाई टेक डिटीएस–आई १५० सीसीको इञ्जिन जडित छ । नेपाली बजारमा यसको मूल्य २ लाख ४ हजार ९ सय रुपैयाँ तोकिएको छ । सुलभ मूल्यको उत्कृष्ट बाइक भएको हुँदा नेपालमा लोकप्रिय हुने कम्पनीको विश्वास छ । नेपालका सडकहरुको अध्ययन गरेर ‘भि १५’ बाइक बजारमा ल्याएको कम्पनीका प्रबन्ध निर्देशक सुरेश कुमार चौधरीले बताए । नेपालको कच्ची सडक, पिच रोडमा भएका खाल्डाखुल्डी, अव्यवस्थित ट्राफिक जाममा यो बाइक उत्कृष्ट रहेको चौधरीको भनाई छ । एक्स्ट्रा ग्रिपका लागि चौडा टायरहरु, सिंगल र डबल सिटर बनाउने व्यवस्था, उत्कृष्ट व्यालेन्स, पृथक एवं शक्तिशाली धातुको बलियोपन, आकर्षक तथा स्टाइलिस डिजाइन यो बाइकका विशेषताहरु हुन् । ‘भि १५’ ले ५५०० आरपिएममा १३ एनएमको अधिकतम टर्क उत्पादन गर्छ । यसमा टेलिस्कोपिक फ्रन्ट सस्पेन्सन र हाइड्रोलिक रियर सस्पेन्सन रहेको छ । बाइकको अगाडिको चच्कामा डिस्क ब्रेक र पछाडिको चक्कामा ड्रम ब्रेक राखिएको छ । दुबै ट्युबलेस टायर हुन् । बाइकमा पाँच स्पिड म्यानुअल गियरवक्स र वेट मल्टिप्लेट क्लच जडान गरिएको छ । यसमा १३ लिटरको मेटलबाट बनेको इन्धन ट्यांकी छ । यो बाइकले प्रतिलिटर ५० देखि ५५ किलोमिटरसम्म माइलेज दिने कम्पनीले दाबी गरेको छ । ‘भि १५’ पर्ल ह्वाइट र इबोनी ब्ल्याक गरी दुई कलरमा उपलब्ध छ । १३५ किलो तौल रहेको बाइकको ग्राउन्ड क्लियरेन्स १६५ मिलिमिटर र ह्वीलबेस १३१५ मिलिमिटर रहेको छ । नेपालमा बजाज बाइक लोकप्रिय बनेको छ । नेपाली बाइक बजारमा बजाजको हिस्सा ४५ प्रतिशत पुगेको प्रबन्ध निर्देशक चौधरीले दाबी गरे । खासगरी बजाजको बक्सर, पल्सर, एभेञ्जर, सिटी १०० मोडल सर्वाधिक लोकप्रिय छन् । नेपालमा करीव १ लाख ७० हजार टु ह्वीलर्स बिक्री हुन्छन् । जसमध्ये १ लाख ३० हाराहारीमा बाइक र बाँकी स्कुटर रहेका छन् । कार्यक्रममा दुई रङका बाइकको सार्वजनिकरण संचारकर्मी तथा पत्रकार महेश पाण्डे तथा दाजुभाइ रिकन्डिसन हाउसका प्रोप्राइटर दिपक खड्काले गरेका थिए । कार्यक्रममा ईच्छा भएकाहरुले सवारी चालक अनुमती पत्र नम्बर दर्ता गराइ टेस्ट राइडको मज्जा पनि उठाएका थिए । Visit this url & do subscribe https://www.youtube.com/bipsmedia https://goo.gl/8IKFSH Visit My Other Blogs : http://bipsmedia.blogspot.com/ http://jgdmedia.blogspot.com/ http://panchebaja.blogspot.com/ We are on Twitter too. User : @bipsmedia Our Facebook Address : Profile : https://www.facebook.com/junctioncyber Page : https://www.facebook.com/bipsmedia Page : https://www.facebook.com/bipinacharyabips Our WordPress Address : https://bipsmedia.wordpress.com/ For Business Inquires & Upload Video Please Do Contact Below : Email : [email protected] Mobile No. : +977-9845350250 Copyright Protected With Bips Media Download & Re-upload Is Strictly Prohibited. Share, Embed & Email Are Allowed And Welcome. All Rights Reserved.
