Cantonese Oral Translation (Remix)
825 views · Published 21 September 2011 · 9:37 · Indexed 22 October 2026
Channel: laoshu505000 · 2011 · Education
Text ------------------------------------- 雖然香港政府有手袋黨，有好多女人可以做高官，但係我仲覺得男女唔平等。由細到大，屋企人同啲先生都話:阿超，你係女仔嚟㗎，行路要斯文啲，唔好扎扎跳，要。。。唔好。。。我一生出嚟就鍾意包拗頸，你叫我行咗，我偏偏行右。我見到好多女人要靠男人，覺得佢哋真係冇鬼用。而家我年薪五十萬，自己買咗層樓，一放假就四圍去，都唔知幾梳乎。自己一個人話晒事，鍾意點就點，駛乜靠男人唧。不過有啲嘢真係冇得牙擦，我識咗阿信之後都唔知點解，最關心嘅唔係升識加薪，最開心嘅唔係一個人放假可以去美加探親，去馬爾代夫享受陽光海灘。而家呢，我最關心嘅係今日煮啲咩餸俾老公食，最開心嘅就係見到佢飲晒我煲嘅老火湯，食晒我煮啲屋企餸，其實我自己連發夢都未諗過會有呢種一百八十度嘅改變。
