Kerala to promote 'Neera'
78 views · Published 20 May 2013 · 4:19 · Indexed 30 October 2026
Channel: Monsoon Media · 2013 · News & Politics
തിരുവനന്തപുരം: നാളികേര ഉല്പന്ന സൊസൈറ്റികളെയും അവയുടെ ഫെഡറേഷനുകളെയും പ്രൊഡ്യൂസര്‍ കമ്പനികളെയും നീര ഉല്പാദനവും അതില്‍ നിന്നുള്ള മൂല്യവര്‍ധിത ഉല്പന്നങ്ങളുടെ സംസ്‌കരണവും വിതരണവും നടത്താന്‍ എകൈ്‌സസ് കമ്മീഷണറുടെ നേതൃത്വത്തിലുള്ള കമ്മിറ്റി ശുപാര്‍ശ ചെയ്തു. ശുപാര്‍ശ അടങ്ങിയ റിപ്പോര്‍ട്ട് എകൈ്‌സസ് വകുപ്പുമന്ത്രി കെ.ബാബുവിന് എകൈ്‌സസ് കമ്മീഷണര്‍ അനില്‍ സേവ്യര്‍ കൈമാറി. റിപ്പോര്‍ട്ടിന്റെ ചില ശുപാര്‍ശകളോട് മൂന്നുതൊഴിലാളി വിഭാഗങ്ങളുടെ നേതാക്കളായ എന്‍.അഴകേശന്‍, കെ.എം.സുധാകരന്‍, ടി.എന്‍.രമേശന്‍, എം.കെ.ഉണ്ണിക്കൃഷ്ണന്‍ എന്നിവര്‍ വിയോജനക്കുറിപ്പുകള്‍ രേഖപ്പെടുത്തിയിട്ടുണ്ട്. തെങ്ങിന്‍ പൂക്കുലയില്‍ നിന്ന് ചെത്തിയെടുക്കുന്ന ഈ ദ്രാവകം തികച്ചും ലഹരിമുക്തമാണ്. എന്നാല്‍ പുളിച്ചാല്‍ ഇത് കള്ളായിത്തീരും. നിലവിലെ കള്ള്ഷാപ്പുകളുടെ ഭാഗമായി നീര സംഭരണ യൂണിറ്റുകള്‍ അനുവദിക്കണമെന്ന് കമ്മിറ്റി ശുപാര്‍ശ ചെയ്തിട്ടുണ്ട്. എകൈ്‌സസ് കമ്മീഷണര്‍ അനില്‍സേവ്യര്‍ ചെയര്‍മാനായ 10 അംഗ കമ്മിറ്റിയില്‍ ജോയിന്റ് കമ്മീഷണര്‍ കെ.ശ്രീകുമാരന്‍ ചെട്ടിയാര്‍, വി.കെ.രാജു, കാര്‍ഷിക സര്‍വകലാശാല, കെ. മുരളീധരന്‍, ഡയറക്ടര്‍ ഓഫ് റിസര്‍ച്ച്, കാര്‍ഷിക സര്‍വകലാശാല, ഡോ. മുരളീധരന്‍, ഡയറക്ടര്‍ നാളികേര വികസനബോര്‍ഡ്, ബാബുജോസഫ് കോട്ടയം, കര്‍ഷക പ്രതിനിധി, ആര്‍. അജിത്കുമാര്‍, കൃഷി വകുപ്പു ഡയറക്ടര്‍ എന്നിവര്‍ അംഗങ്ങളായിരുന്നു. നീര സംസ്‌കരണത്തിനാവശ്യമായ നിയമഭേദഗതിയെക്കുറിച്ച് ആലോചിച്ച് ഭേദഗതികള്‍ വരുത്തുമെന്ന് റിപ്പോര്‍ട്ട് ഏറ്റുവാങ്ങിയ എകൈ്‌സസ് മന്ത്രി കെ.ബാബു അറിയിച്ചു.
More from this channel
-
0:20
Onam Wishes by Sarayu in Monsoon Media
-
2:02
Job Shop Episode-1
-
2:13
IFFK 2012 Inauguration
-
1:42
IFFK 2012 - Film Division Exhibition & Sathyan photo Exhibition
-
0:37
International Martial Arts Festival Kerala
-
8:23
IFFK 2012 Awards-Closing Ceremony.
-
0:37
GKSF Season 6 Inauguration
-
1:27
Road Safety Week Inauguration