Autoplay Next video from Max length

ब्रेकफास्ट न्यूज | बापूंच्या जन्मदिनी महाचरखा साकरणाऱ्या विजय सकपाळ आणि विजय बोंदर यांच्याशी गप्पा

1,220 views · Published 2 October 2018 · 15:02 · Indexed 3 October 2026

Channel: ABP MAJHA · 2018 · People & Blogs

चरखा हे महात्मा गांधींचे रचनात्मक स्वरूप आहे. ग्रामीण अर्थकारणाचे प्रतीक असणाऱ्या या चरख्याला आता अतिभव्य रुप प्राप्त झालंय. वर्ध्याच्या सेवाग्राम मधल्या आश्रम प्रतिष्ठानच्या जागेवर जगातला सर्वात मोठा चरखा उभारला गेलाय,. हा चरखा मुंबई येथील सर जे.जे. स्कूल ऑफ आर्ट येथे प्राध्यापक आणि विद्यार्थ्यांनी अवघ्या २२ दिवसांत तयार केला आहे. या चरख्याची उंची १८ फूट ६ इंच इतकी असून याची गिनिज बुकात नोंद होण्यासाठीचे प्रयत्नही सुरु करण्यात आले आहेत.

या चरख्याच्या उभारणीसाठी साडेपाच टन धातू आणि लोखंडाचा वापर केला गेलाय. महाविद्यालयाच्या तीन शाखेतील तब्बल १७ विद्यार्थ्यांनी हा चरखा तयार केलाय. दिन विशेषानुसार हा चरखा रंग बदलणार आहे. पर्यावरण दिनी हिरवा, मानवाधिकार दिनी पिवळा तर १५ ऑगस्ट आणि २६ जानेवारीला तिरंग्याच्या रंगात असणार आहे. तशी लाइट व्यवस्था उभारण्यात आली आहे. त्यामुळे हा चरखा पर्यटकांचे आकर्षण ठरणार आहे.

ब्रेकफास्ट न्यूज | बापूंच्या जन्मदिनी महाचरखा साकरणाऱ्या विजय सकपाळ आणि विजय बोंदर यांच्याशी गप्पा

More from this channel