Look Who it Was Random video

ਲੱਖਾਂ ਦੀ ਗਿਣਤੀ 'ਚ ਪੰਜਾਬੀਆਂ ਦੇ ਦਿਲਾਂ ਨੂੰ ਮਿਲਿਆ ਸਕੂਨ | ATV NEWS 24/7 | dailyaashiana.com

632 views · Published 25 December 2017 · 4:16 · Indexed 12 November 2026

Channel: ATV NEWS 24/7 HD · 2017 · Entertainment

Watch on YouTube

ਲੱਖਾਂ ਦੀ ਗਿਣਤੀ 'ਚ ਪੰਜਾਬੀਆਂ ਦੇ ਦਿਲਾਂ ਨੂੰ ਮਿਲਿਆ ਸਕੂਨ | ATV NEWS 24/7 | dailyaashiana.com
ਫਰੀਦਕੋਟ 25 ਦਸੰਬਰ (ਅ.ਨ.ਸ.) ਇੱਕ ਤਰਫ ਜਿੱਥੇ ਪੂਰੇ ਹੀ ਸੰਸਾਰ ਭਰ ਵਿੱਚ ਪੰਜਾਬੀ ਆਪਣੀ ਪ੍ਰਤੀਭਾ ਦਾ ਲੋਹਾ ਮਨਵਾ ਰਹੇ ਹਨ ਅਤੇ ਕਈ ਦੇਸ਼ਾਂ ਵਿੱਚ ਪੰਜਾਬੀ ਭਾਸ਼ਾ ਨੂੰ ਸਨਮਾਨਜਨਕ ਸਥਾਨ ਵੀ ਪ੍ਰਦਾਨ ਕੀਤਾ ਹੈ ਪਰ ਦੂਜੇ ਪਾਸੇ ਉਸ ਵਕਤ ਪੰਜਾਬੀਆਂ  ਦੇ ਦਿਲਾਂ ਨੂੰ ਬੇਹੱਦ ਠੇਸ ਪਹੁੰਚਦੀ ਸੀ ਜਦੋਂ ਬਠਿੰਡਾ - ਸ੍ਰੀ ਅਮ੍ਰਿਤਸਰ ਸਾਹਿਬ ਰਾਸ਼ਟਰੀ ਰਾਜ ਮਾਰਗ ਨੰਬਰ 54 ਉੱਤੇ ਲਗਾਏ ਗਏ ਸਾਈਨ ਬੋਰਡਾਂ ਉੱਪਰ ਉਨ੍ਹਾਂ ਦੀ ਨਜ਼ਰ ਪੈਂਦੀ ਸੀ ਕਿਉਂਕਿ ਪੰਜਾਬੀ ਸੂਬੇ ਵਿੱਚ ਹੀ ਵਿਭਾਗ ਦੁਆਰਾ ਜੋ ਦਿਸ਼ਾ ਸੂਚਕ ਸਾਇਨ ਬੋਰਡ ਲਗਾਏ ਗਏ ਸਨ ਉਨ੍ਹਾਂ ਵਿੱਚ ਵਿੱਚ ਪੰਜਾਬੀ ਭਾਸ਼ਾ ਨੂੰ ਪਹਿਲਾ ਸਥਾਨ ਦੇਣ ਦੀ ਬਜਾਏ ਬਿਲਕੁੱਲ ਅਖੀਰ ਵਿੱਚ ਤੀਜਾ ਸਥਾਨ ਦਿੱਤਾ ਗਿਆ ਸੀ। ਇਸ ਵਿੱਚ ਪਹਿਲੇ ਨੰਬਰ ਉੱਤੇ ਹਿੰਦੁਸਤਾਨ ਦੀ ਰਾਸ਼ਟਰੀ ਭਾਸ਼ਾ ਹਿੰਦੀ , ਦੂਜੇ ਨੰਬਰ ਉੱਤੇ ਵਿਦੇਸ਼ੀ ਭਾਸ਼ਾ ਅੰਗਰੇਜ਼ੀ ਅਤੇ ਅੰਤ ਵਿੱਚ ਤੀਸਰੇ ਨੰਬਰ ਉੱਤੇ ਪੰਜਾਬ ਦੀ ਮਾਂ ਬੋਲੀ ਪੰਜਾਬੀ ਨੂੰ ਰੱਖਿਆ ਗਿਆ ਸੀ ਜਿਸ ਤੇ ਸਮੂਹ ਪੰਜਾਬੀਆਂ ਨੂੰ ਬੇਹੱਦ ਦੁੱਖ ਲੱਗਾ ਸੀ, ਜਿਸ ਦੇ ਰੋਸ਼ ਵਜੋਂ ਕਈ ਜਗ੍ਹਾਵਾਂ ਤੇ ਸਾਇਨ ਬੋਰਡਾਂ ਉੱਤੇ ਕਾਲਖ ਵੀ ਥੋਪ ਦਿੱਤੀ ਗਈ ਸੀ ਹੁਣ ਸਰਕਾਰ ਨੇ ਆਪਣੀ ਗਲਤੀ ਸੁਧਾਰਦੇ ਹੋਏ ਰਾਸ਼ਟਰੀ ਰਾਜ ਮਾਰਗ ਉੱਪਰ ਲਗਾਏ ਸਾਇਨ ਬੋਰਡਾਂ ਉੱਤੇ ਪੰਜਾਬੀ ਨੂੰ ਸਨਮਾਨਜਨਕ ਸਥਾਨ ਯਾਨੀ ਪਹਿਲਾ ਸਥਾਨ ਦਿੱਤਾ ਜਾ ਰਿਹਾ ਹੈ ਜਿਸ ਤੇ ਸਮੂਹ ਪੰਜਾਬੀ ਖੁਸ਼ੀ ਮਹਿਸੂਸ ਕਰ ਰਹੇ ਹਨ। 
ਇਸ ਦੁਰਾਨ ਇਸ ਮੁਹਿੰਮ ਨੂੰ ਬੁਲੰਦ ਕਰਣ ਵਾਲੇ ਸਮਾਜਸੇਵੀ ਗੁਰਪ੍ਰੀਤ ਸਿੰਘ ਚੰਦਬਾਜਾ ਫਰੀਦਕੋਟ ਨੇ ਕਿਹਾ ਕਿ ਪੰਜਾਬ ਵਿੱਚ ਪੰਜਾਬ ਦੀ ਮਾਂ ਬੋਲੀ ਨੂੰ ਪਹਿਲਾ ਸਥਾਨ ਦਵਾਉਣ ਲਈ ਉਨ੍ਹਾਂ ਵਲੋਂ ਵੀ ਮੁਹਿੰਮ ਦੀ ਸ਼ੁਰੁਆਤ ਕੀਤੀ ਗਈ ਸੀ ਜਿਸ  ਦੇ ਤਹਿਤ ਹੁਣ ਸਰਕਾਰ ਨੇ ਆਪਣੀ ਗਲਤੀ ਸੁਧਾਰਦੇ ਹੋਏ ਪੰਜਾਬੀ ਭਾਸ਼ਾ ਨੂੰ ਸਾਇਨ ਬੋਰਡਾਂ ਉੱਤੇ ਪਹਿਲਾਂ ਸਥਾਨ ਦਿੱਤਾ ਜਾ ਰਿਹਾ ਹੈ ਅਤੇ ਇਸਦੇ ਬਾਅਦ ਹੁਣ ਹੋਰ ਸੰਸਥਾਵਾਂ ਵਿੱਚ ਵੀ ਪੰਜਾਬੀ ਨੂੰ ਲਾਗੂ ਕਰਣ ਲਈ ਮੁਹਿੰਮ ਚਲਾਈ ਜਾਵੇਗੀ ।
ਇਸ ਦੌਰਾਨ ਇਨ੍ਹਾਂ ਸਾਇਨ ਬੋਰਡਾਂ ਨੂੰ ਦੁਰੁਸਤ ਕਰਣ ਲਈ ਕਾਰਜ ਕਰ ਰਹੇ ਠੇਕੇਦਾਰ ਅੰਕੁਰ ਸ਼ਰਮਾਂ ਨੇ ਦੱਸਿਆ ਕਿ ਇਸ ਤੋਂ ਪਹਿਲਾਂ ਇਨ੍ਹਾਂ ਬੋਰਡਾਂ ਉੱਤੇ ਤਿੰਨ ਭਾਸ਼ਾਵਾਂ ਲਿਖੀਆਂ ਗਈਆਂ ਸਨ ਜੋ ਸਾਰੇ ਸੜਕੀ ਮਾਰਗਾਂ ਉੱਤੇ ਲਿਖੀਆਂ ਜਾਂਦੀਆਂ ਸਨ ਪਰ ਪੰਜਾਬ ਦੇ ਹਾਈਵੇ 54 ਤੇ ਲਗਾਏ ਸਾਇੰਨ ਬੋਰਡਾਂ ਤੇ ਪੰਜਾਬੀ ਭਾਸ਼ਾ ਨੂੰ ਤੀਜੇ ਨੰਬਰ ਤੇ ਲਿਖਣ ਦਾ ਲੋਕਾਂ ਨੇ ਆਪਣੀ ਨਰਾਜ਼ਗੀ ਜਤਾਈ ਸੀ ਸੋ ਇਸ ਵਿਰੋਧ ਦੇ ਬਾਅਦ ਹੁਣ  ਪੰਜਾਬੀ ਨੂੰ ਪਹਿਲੇ ਸਥਾਨ ਉੱਤੇ ਲਿਖਣ ਲਈ ਕਾਰਜ ਸ਼ੁਰੂ ਕਰ ਦਿੱਤਾ ਗਿਆ ਹੈ ਅਤੇ ਛੇਤੀ ਹੀ ਸਾਰੇ ਛੋਟੇ ਵੱਡੇ ਬੋਰਡਾਂ ਉੱਤੇ ਪੰਜਾਬੀ ਨੂੰ ਪਹਿਲੇ ਸਥਾਨ ਤੇ ਸਾਇੰਨ ਬੋਰਡਾਂ ਤੇ ਲਿਖ ਕੇ ਲਗਾ ਦਿੱਤਾ ਜਾਵੇਗਾ।

More from this channel