Look Who it Was Random video

Major Fire at Thread Factory Sunam | dailyaashiana.com | ATV NEWS 24/7

256 views · Published 22 November 2017 · 3:13 · Indexed 23 October 2026

Channel: ATV NEWS 24/7 HD · 2017 · Entertainment

Watch on YouTube

Major Fire at Thread Factory Sunam

ਧਾਗਾ ਫੈਕਟਰੀ 'ਚ ਲੱਗੀ ਅੱਗ ਕਰੋੜਾਂ ਰੁਪਏ ਦਾ ਨੁਕਸਾਨ ਹੋਣ ਦਾ ਖਦਸ਼ਾ
ਜਾਨੀ ਨੁਕਸਾਨ ਤੋਂ ਬਚਾਅ - ਅੱਗ ਦੇ ਕਾਰਨਾ ਪਤਾ ਨਹੀਂ ਲੱਗਾ ਸਕਿਆ 
ਪਾਤੜਾਂ 22 ਨਵੰਬਰ (ਸਤਪਾਲ ਗਰਗ) ਸ਼ਹਿਰ ਦੇ ਨਰਵਾਨਾ ਰੋਡ, ਤੇ ਸਥਿਤ ਓਮ ਧਾਗਾ ਮਿੱਲ ਵਿੱਚ ਲੱਗੀ ਭਿਆਨਕ ਅੱਗ ਲੱਗਣ ਨਾਲ ਕਰੋੜਾਂ ਰੁਪਏ ਦਾ ਨੁਕਸਾਨ ਹੋਣ ਦਾ ਅਨੁਮਾਨ ਲਾਇਆ ਜਾ ਰਿਹਾ ਹੈ। ਅੱਗ ਤੇ ਕਾਬੂ ਪਾਉਣ ਦੇ ਲਈ ਸਮਾਣਾ, ਪਟਿਆਲਾ, ਸੰਗਰੂਰ, ਨਾਭਾ ਤੋਂ ਇਲਾਵਾ ਹਰਿਆਣਾ ਦੇ ਨਰਵਾਨਾ ਤੋਂ ਦੀਆਂ ਮੌਕੇ ਤੇ ਪਹੁੰਚੀਆਂ ਫਾਇਰ ਬ੍ਰਿਗੇਡ ਦੀਆਂ ਗੱਡੀਆਂ ਵੱਲੋਂ ਪੁਲਿਸ ਪ੍ਰਸ਼ਾਸਨ ਅਤੇ ਲੋਕਾਂ ਦੀ ਮਦਦ ਦੇ ਨਾਲ ਲੰਬੀ ਜਦੋ ਜਹਿਦ ਤੋਂ ਬਾਅਦ ਅੱਗ ਨੂੰ ਕੰਟਰੋਲ ਕਰਨ ਵਿੱਚ ਸਫਲਤਾ  ਹਾਸਲ ਕਰ ਲਈ ਗਈ ਪਰੰਤੂ ਉਸ ਸਮੇਂ ਤੱਕ ਗੁਦਾਮ ਵਿੱਚ ਪਈਆਂ ਰੂੰ ਦੀਆਂ ਗੱਠਾਂ ਸੜ ਕੇ ਸੁਆਹ ਚੁੱਕੀਆ ਸਨ ਜਦੋਂ ਕਿ ਇਸ ਘਟਨਾ ਦੌਰਾਨ ਕਿਸੇ ਤਰਾਂ ਦੇ ਜਾਨੀ ਨੁਕਸਾਨ ਤੋਂ ਬਚਾਅ ਹੋ ਗਿਆ। 
ਅੱਗ ਨੂੰ ਕਾਬੂ ਕਰਨ ਦੇ ਲਈ ਗੁਦਾਮ ਦੀਆਂ ਦੀਵਾਰਾਂ ਨੂੰ ਕਈ ਜਗਾਂ ਤੋਂ ਜੇਸੀਬੀ ਮਸ਼ੀਨਾਂ ਦੀ ਮਦਦ ਦੇ ਨਾਲ ਤੋੜ ਕੇ ਅੱਗ ਤੇ ਕਾਬੂ ਪਾਇਆ ਗਿਆ ਪਰੰਤੂ ਰੂੰ ਦੀਆਂ ਗੱਠਾਂ ਨੂੰ ਲੱਗੀ ਅੱਗ ਸੁਲਗਦੀ ਦਿਖਾਈ ਦੇ ਰਹੀ ਸੀ ਅਤੇ ਫਾਇਰ ਬ੍ਰਿਗੇਡ ਕਰਮਚਾਰੀਆਂ ਅੱਗ ਨੂੰ ਪੂਰੀ ਤਰਾਂ ਬਝਾਉਣ ਦੀ ਕਾਰਵਾਈ ਕਰਨ ਵਿੱਚ ਲੱਗੇ ਹੋਏ ਸਨ । ਅੱਗ ਬਝਾਉਣ ਸਮੇਂ ਇੱਕ ਕਰਮਚਾਰੀ ਦਾ ਹੱਥ ਵੀ ਝੁਲਸ ਗਿਆ ।
ਲੋਕਾਂ ਦਾ ਕਹਿਣਾ ਹੈ ਕਿ ਸ਼ਹਿਰ ਅੰਦਰ ਵੱਡੇ ਪੱਧਰ ਤੇ ਉਦਯੋਗਿਕ ਇਕਾਈਆਂ ਹੋਣ ਦੇ ਬਾਵਜੂਦ ਇਥੇ ਫਾਇਰ ਬ੍ਰਿਗੇਡ ਦੀ ਕੋਈ ਸਹੂਲਤ ਨਾ ਹੋਣ ਕਾਰਨ ਅੱਗ ਲੱਗਣ ਦੀ ਘਟਨਾ ਤੋਂ ਬਾਅਦ ਅੱਗ ਬਝਾਉਣ ਲਈ ਦੂਸਰੇ ਸ਼ਹਿਰਾਂ ਤੋਂ ਫਾਇਰ ਬ੍ਰਿਗੇੜ ਸਿਸਟਮ ਦਾ ਪ੍ਰਬੰਧ ਕਰਨਾ ਪੈਦਾ ਹੈ ਜਿਨਾਂ ਦੇ ਆਉਣ ਵਿੱਚ ਸਮਾਂ ਲੱਗਣ ਕਾਰਨ ਨੁਕਸਾਨ ਜਿਆਦਾ ਹੋ ਜਾਂਦਾ ਹੈ । ਇਸ ਮਿੱਲ ਵਿੱਚ ਲੱਗੀ ਦੇਰ ਰਾਤ ਅੱਗ ਤੇ ਕਾਬੂ ਪਾਉਣ ਦੇ ਲਈ ਵੱਖ ਵੱਖ ਸਹਿਰ ਨਰਵਾਨਾ, ਸੰਗਰੂਰ,ਨਾਭਾ, ਪਟਿਆਲ ਅਤੇ ਸਮਾਨਾ ਤੋਂ ਫਾਇਰ ਬ੍ਰਿਗੇਡ ਦੀਆਂ ਗੱਡੀਆਂ ਨੂੰ ਬਲਾਉਣਾ ਪਿਆ ਜਿਨਾਂ ਵੱਲੋਂ ਵੱਡੀ ਮਸ਼ੱਕਤ ਤੋਂ ਬਾਅਦ ਅੱਗ ਤੇ ਕਾਬੂ ਪਾਇਆ ਗਿਆ ਜਦੋਂ ਕਿ ਅੱਗ ਹਾਲੇ ਵੀ ਸੁਲਗ ਰਹੀ ਸੀ।
ਹੋਏ ਨੁਕਸਾਨ ਸਬੰਧੀ ਮਿੱਲ ਦੇ ਮਾਲਕਾਂ ਨੇ ਕੁਝ ਵੀ ਨਹੀਂ ਦੱਸਿਆ ਪਰੰਤੂ ਨੁਕਸਾਨ ਦਾ ਅੰਦਾਜ਼ਾ ਕਰੋੜਾਂ ਰੁਪਏ ਦਾ ਦੱਸਿਆ ਜਾ ਰਿਹਾ ਹੈ। ਮੌਕੇ ਤੇ ਪੁਲਿਸ ਅਧਿਕਾਰੀ ਵੀ ਤਾਇਨਾਤ ਸਨ ਅਤੇ ਹੋਏ ਨੁਕਸਾਨ ਦੀ ਤਫਤੀਸ਼ ਕਰਨ ਦੀ ਗੱਲ ਕਹੀ ਜਾ ਰਹੀ ਸੀ। ਉਥੇ ਹੀ ਅੱਗ ਲੱਗਣ ਦੀ ਸੂਚਨਾ ਮਿਲਣ ਤੇ ਮੌਕੇ ਤੇ ਪਹੁੰਚੇ ਫਾਇਰ ਬ੍ਰਿਗੇਡ ਦੇ ਕਰਮਚਾਰੀਆ ਦਾ ਕਹਿਣਾ ਸੀ ਕਿ ਸੂਚਨਾ ਮਿਲਣ ਤੇ ਉਹ ਤੁਰੰਤ ਘਟਨਾ ਵਾਲੀ ਥਾਂ ਤੇ ਪਹੁੰਚੇ ਅਤੇ ਮਿੱਲ ਵਿੱਚ ਅੱਗ ਦੀਆਂ ਲਾਟਾਂ ਤੇਜ ਹੋਣ ਕਾਰਨ ਅੱਗ ਤੇ ਕਾਬੂ ਪਾਉਣਾ ਮੁਸ਼ਕਿਲ ਸੀ ਜਿਸ ਤੋਂ ਬਾਅਦ ਹੋਰ ਗੱਡੀਆ ਨੂੰ ਬਲਾਇਆ ਗਿਆ ਜਿਨਾਂ ਦੀ ਮਦਦ ਦੇ ਨਾਲ ਅੱਗ ਨੂੰ ਕੰਟਰੋਲ ਕੀਤਾ ਗਿਆ ਤੇ ਹਾਲੇ ਤੱਕ ਅੱਗ ਨੂੰ ਬਝਾਉਣ ਦੀ ਕਾਰਵਾਈ ਜਾਰੀ ਹੈ। ਉਥੇ ਹੀ ਮੌਕੇ ਤੇ ਮੌਜੂਦ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਰਾਤ ਨੂੰ ਸੂਚਨਾਂ ਮਿਲਣ ਤੇ ਤਰੰਤ ਘਟਨਾ ਵਾਲੀ ਥਾਂ ਤੇ ਪਹੁੰਚੇ ਅਤੇ ਅੱਗ ਬਝਾਉਣ ਦੇ ਲਈ ਵੱਖ ਵੱਖ ਸ਼ਹਿਰਾਂ ਤੋਂ ਫਾਇਰ ਬ੍ਰਿਗੇਡ ਦੀਆਂ ਗੱਡੀਆਂ ਨੂੰ ਬਲਾਇਆ ਗਿਆ।
ਇਸ ਘਟਨਾਂ ਵਿੱਚ ਕਿਸੇ ਤਰਾਂ ਦੇ ਜਾਨੀ ਨੁਕਸਾਨ ਤੋਂ ਬਚਅ ਰਿਹਾ ਅਤੇ ਅੱਗ ਦੇ ਕਾਰਨਾਂ ਦਾ ਪਤਾ ਨਹੀਂ ਲੱਗ ਸਕਿਆ।  ਜਿਸ ਦੀ ਪੜਤਾਲ ਤੋਂ ਬਾਅਦ ਹੀ ਅੱਗ ਦੇ ਕਾਰਨ ਅਤੇ ਨੁਕਸਾਨ ਦਾ ਪਤਾ ਲੱਗ ਸਕੇਗਾ।

More from this channel