Look Who it Was Random video

ਬਠਿੰਡਾ ਵਿਰਾਸਤੀ ਮੇਲੇ ਦਾ ਧੁਮ ਧੜੱਕੇ ਨਾਲ ਹੋਇਆ ਆਗਾਜ਼ | dailyaashiana.com | ATV NEWS 24/7

90 views · Published 15 December 2017 · 3:29 · Indexed 6 November 2026

Channel: ATV NEWS 24/7 HD · 2017 · Entertainment

Watch on YouTube

ਬਠਿੰਡਾ ਵਿਰਾਸਤੀ ਮੇਲੇ ਦਾ ਧੁਮ ਧੜੱਕੇ ਨਾਲ ਹੋਇਆ ਆਗਾਜ਼

ਬਠਿੰਡਾ 15 ਦਸੰਬਰ (ਜੋਗਿੰਦਰ ਮਾਂਡੀਆ/ਡਾ. ਮੋਂਗਾ) ਅੱਜ ਬਠਿੰਡਾ ਵਿਖੇ ਮਰਹੂਮ ਸ਼ਖਸ਼ੀਅਤਾਂ ਨੂੰ ਸਮਰਪਿਤ 14ਵੇਂ ਵਿਰਾਸਤੀ ਮੇਲੇ ਦਾ ਅਗਾਜ਼ ਸ਼ਾਨੋ-ਸ਼ੋਕਤ ਨਾਲ ਹੋ ਗਿਆ ।ਇਸ ਮੇਲੇ ਦੀ ਸ਼ੁਰੂਆਤ ਵਕਫ ਬੋਰਡ ਪੰਜਾਬ ਦੇ ਚੇਅਰਮੈਨ ਜਨਾਬ ਜਨੈਦ ਰਜਾ ਖਾਨ ਨੇ ਦਰਗਾਹ ਹਾਜੀ ਰਤਨ ਵਿਖੇ ਚਾਦਰ ਚੜਾਉਣ ਉਪਰੰਤ ਗੁਰੁਦੁਆਰਾ ਸਹਿਬ ਹਾਜੀ ਰਤਨ ਵਿਖੇ ਨਤਮਸਤਕ ਹੋਏ ਜਿੱਥੇ ਹਰਗੋਬਿੰਦ ਸ਼ੇਖਪੁਰੀਆ ਨੇ ਕਵਿਤਾ ਰਾਹੀਂ ਆਏ ਹੋਏ ਮਹਿਮਾਨਾਂ ਨੂੰ ਜੀ ਆਇਆਂ ਕਿਹਾ ਅਤੇ ਵਿਰਾਸਤੀ ਮੇਲੇ ਬਾਰੇ ਜਾਣਕਾਰੀ ਦਿੱਤੀ ਪੰਜਾਬੀਅਤ ਦੇ ਮੁਦਈ ਪ੍ਰੋ ਅਜਮੇਰ ਸਿੰਘ ਔਲਖ, ਸੀ੍ਰ ਜਗਮੋਹਨ ਕੋਸ਼ਲ, ਉਚਕੋਟੀ ਦੀ ਲੇਖਣੀ ਦੇ ਮਾਲਕ ਪ੍ਰੀਤ ਮਹਿੰਦਰ ਤਿਵਾੜੀ ਦੀ ਯਾਦ ਨੂੰ ਸਮਰਪਿਤ ਇਹ ਵਿਰਾਸਤ ਮੇਲਾ 15 ਦਸੰਬਰ ਤੋਂ 17 ਦਸੰਬਰ ਤੱਕ ਬਠਿੰਡਾ ‘ਚ ਬਣੇ ਪਿੰਡ ਜੈਪਾਲਗੜ ਵਿਖੇ ਲੱਗੇਗਾ ਇਸ ਮੇਲੇ ਵਿੱਚ ਪੁਰਾਤਨ ਸਮੇਂ ਦੇ ਪਿੰਡਾਂ ਅਤੇ ਸਾਰੇ ਵਿਸਰੇ ਸੱਭਿਆਚਾਰ ਦੀਆਂ ਝਲਕਾਂ ਵੇਖਣ ਨੂੰ ਮਿਲਦੀਆਂ ਹਨ ।

ਇਸ ਮੇਲੇ ਦੇ ਅਗਾਜ਼ ਸਮੇਂ ਕੱਢੇ ਗਏ ਜਲੂਸ ਵਿੱਚ ਉਠ ਗੱਡੀਆਂ, ਲੰਡੀਆਂ ਜੀਪਾਂ ਵਿੱਚ ਬੈਠੇ ਜੈਲਦਾਰ, ਬੱਠਲ ਬਾਲਟੀਆਂ ਠੀਕ ਕਰਨ ਵਾਲੇ ਸਿਲੀਗਰ, ਢੋਲ ਦੀ ਥਾਪ ਤੇ ਨੱਚਦੀਆਂ ਘੋੜੀਆਂ ਅਤੇ ਬੋਤੀਆਂ, ਗੱਤਾ ਦੇ ਜ਼ੋਹਰ ਵਿਖਾਉਂਦੇ ਸਿੰਘ ਸਹਿਬਾਨ, ਢੋਲ ਅਤੇ ਬੀਨ ਸੁਰਾਂ ਤੇ ਨੱਚਦੇ ਜੋਗੀ ਲੋਕਾਂ ਦੀ ਖਿੱਚ ਦਾ ਕੇਂਦਰ ਬਣਿਆ ਰਿਹਾ ।ਇਹ ਜਲੂਸ ਸ਼ਹਿਰ ਦੇ ਪ੍ਰਮੱੁਖ ਬਜ਼ਾਰਾਂ ਵਿੱਚ ਹੁੰਦਾ ਹੋਇਆ ਸਟੇਡੀਅਮ ਦੇ ਪਿਛੇ ਬਣਿਆ ਪਿੰਡ ਜੈਪਾਲ ਗੜ ਪਹੁੰਚਿਆ ।ਸਾਰੇ ਪੁਰਾਤਨ ਸੱਭਿਆਚਾਰ ਦੀ ਤਸਵੀਰ ਪੇਸ਼ ਕਰਦਾ ਇਹ ਵਿਰਾਸਤ ਮੇਲਾ ਦੇਖ ਕੇ ਪੁਰਾਣੇ ਪਿੰਡਾਂ ਦੀ ਯਾਦ ਤਾਜ਼ਾ ਹੋ ਜਾਂਦੀ ਹੈ ।

More from this channel