Autoplay Next video from Max length

ਆਵਾਜ਼ਾਈ 'ਚ ਵਿਘਨ ਪਾਉਣ ਵਾਲਿਆਂ ਨੂੰ ਬਖਸ਼ਿਆ ਨਹੀਂ ਜਾਏਗਾ - ਚਾਹੇ ਉਹ ਪੁਲਿਸ ਮੁਲਾਜ਼ਮ ਕਿਉਂ ਨਾ ਹੋਵੇ: ਬੁੱਟਰ

187 views · Published 23 November 2017 · 5:09 · Indexed 26 October 2026

Channel: ATV NEWS 24/7 HD · 2017 · Entertainment

ਪਾਤੜਾਂ 23 ਨਵੰਬਰ (ਸਤਪਾਲ ਗਰਗ) ਟੈ੍ਰਫਿਕ ਪੁਲਿਸ ਪਾਤੜਾਂ ਵੱਲੋਂ ਅੱਜ ਦੇਰ ਸ਼ਾਮ ਮੇਨ ਬਜਾਰ ਵਿੱਚ ਆਵਾਜਾਈ ਵਿੱਚ ਵਿਘਨ ਪਾਉਣ ਵਾਲੀਆਂ ਸੜਕ ਤੇ ਖੜੀਆਂ ਗੱਡੀਆਂ ਨੂੰ ਕਬਜੇ ਲੈਣ ਦੀ ਕਾਰਵਾਈ ਸੁਰੂ ਕਰ ਦਿੱਤੀ ਜਿਸ ਕਾਰਨ ਬਜਾਰ ਵਿੱਚ ਅਫਰਾ ਤਫਰੀ ਦਾ ਮਹੋਲ ਪੈਦਾ ਹੋ ਗਿਆ । ਟੈ੍ਰਫਿਕ ਪੁਲਿਸ ਪਾਤੜਾਂ ਦੇ ਇੰਚਾਰਜ ਜਗਵਿੰਦਰ ਸਿੰਘ ਬੁੱਟਰ ਨੇ ਕਰੇਨ ਦੀ ਮਦਦ ਦੇ ਨਾਲ ਆਵਾਜਾਈ ਵਿੱਚ ਅੜਿਕਾ ਬਣੀਆਂ ਗੱਡੀਆ ਨੂੰ ਥਾਣੇ ਬੰਦ ਕਰ ਦਿੱਤਾ ਅਤੇ ਚਲਾਨ ਕੱਟੇ ।
ਉਥੇ ਹੀ ਸ਼ਹਿਰ ਅੰਦਰ ਪਹਿਲੀ ਵਾਰ ਹੋਈ ਕਾਰਵਾਈ ਨੂੰ ਲੈ ਕੇ ਸ਼ਹਿਰ ਵਾਸੀ ਕਾਫੀ ਹੈਰਾਨ ਹੋ ਰਹੇ ਸਨ ਕਿ ਕਿਸੇ ਨੇ ਪਹਿਲੀ ਵਾਰ ਵੱਡੇ ਸ਼ਹਿਰਾਂ ਦੀ ਤਰਾਂ ਇਸ ਸ਼ਹਿਰ ਅੰਦਰ ਵੀ ਸੜਕ ਤੇ ਖੜੀਆ ਗੱਡੀਆਂ ਨੂੰ ਕਰੇਨ ਦੀ ਮਦਦ ਦੇ ਨਾਲ ਚੁੱਕਿਆ ਹੋਵੇ । ਭਾਵੇਂ ਟੇ੍ਰਫਿਕ ਪੁਲਿਸ ਦੀ ਕੀਤੀ ਗਈ ਇਹ ਕਾਰਵਾਈ ਸਰਾਹਨਾਂ ਯੋਗ ਹੈ ਪਰੰਤੂ ਪਿੰਡਾਂ ਅਤੇ ਸ਼ਹਿਰ ਤੋਂ ਖ੍ਰੀਦਦਾਰੀ ਕਰਨ ਆਏ ਲੋਕਾਂ ਦਾ ਕਹਿਣਾ ਹੈ ਕਿ ਉਹ ਜਦੋਂ ਬਜਾਰ ਵਿੱਚ ਸਮਾਨ ਖ੍ਰੀਦਣ ਲਈ ਆਉਦੇ ਹਨ ਤਾਂ ਸਹਿਰ ਅੰਦਰ ਕਿਧਰੇ ਵੀ ਪਾਰਕਿੰਗ ਦੀ ਸਹੂਲਤ ਨਾ ਹੋਣ ਕਾਰਨ ਮਜਬੂਰਨ ਉਨਾਂ ਨੂੰ ਗੱਡੀਆਂ ਸੜਕਾਂ ਦੇ ਕਿਨਾਰੇ ਤੇ ਖੜੀਆਂ ਕਰਨ ਲਈ ਮਜਬੂਰ ਹੋਣਾ ਪੈਦਾ ਹੈ ਜਦੋਂ ਕਿ ਦੁਕਾਨਦਾਰਾਂ ਵੱਲੋਂ ਵੀ ਅਪਣੀਆਂ ਦੁਕਾਨਾਂ ਦੇ ਬਾਹਰ ਕੋਈ ਸਹੂਲਤ ਨਹੀਂ ਹੈ । ਏਥੋ ਤੱਕ ਕਿ ਮੇਨ ਬਜਾਰ ਵਿੱਚ ਕੁਝ ਲੋਕਾਂ ਨੇ ਸੜਕ ਤੇ ਹੀ ਆਪਣੀਆਂ ਦੁਕਾਨਾਂ ਲਗਾਈਆ ਹੋਈਆ ਹਨ ।ਦੂਸਰੇ ਪਾਸੇ ਸ਼ਹਿਰ ਦੇ ਲੋਕਾਂ ਦਾ ਕਹਿਣਾ ਹੈ ਕਿ ਸ਼ਹਿਰ ਅੰਦਰ ਦੀ ਟੈ੍ਰਫਿਕ ਗੰਭੀਰ ਹੋਣ ਕਾਰਨ ਲੋਕਾਂ ਨੰੁ ਭਾਰੀ ਮੁਸਕਿਲ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਜਦੋਂ ਕਿ ਬਜਾਰ ਵਿੱਚ ਖ੍ਰੀਦਦਾਰੀ ਕਰਨ ਲਈ ਆਏ ਲੋਕਾਂ ਵੱਲੋਂ ਆਪਣੀਆਂ ਗੱਡੀਆਂ ਸੜਕਾਂ ਤੇ ਹੀ ਖੜੀਆਂ ਕਰ ਦਿੱਤੀਆ ਜਾਂਦੀਆ ਹਨ ਜਿਸ ਕਾਰਨ ਜਾਮ ਲੱਗ ਜਾਂਦਾ ਹੈ ।
ਟੈ੍ਰਫਿਕ ਪੁਲਿਸ ਇੰਚਾਰਜ ਬੁੱਟਰ ਨੇ ਲੋਕਾਂ ਨੂੰ ਅਪੀਲ ਕਰਦਿਆ ਕਿਹਾ ਕਿ ਇਹ ਮੁਹਿੰਮ ਲਗਾਤਾਰ ਜਾਰੀ ਰਹੇਗੀ ਅਤੇ ਆਵਾਜਾਈ ਵਿੱਚ ਵਿਘਨ ਪਾਉਣ ਵਾਲੇ ਕਿਸੇ ਵੀ ਵਿਅਕਤੀ ਨੂੰ ਬਖਸਿਆ ਨਹੀਂ ਜਾਵੇਗਾ ਭਾਵੇਂ ਉਹ ਪੁਲਿਸ ਮੁਲਾਜਮ ਵੀ ਕਿਉਂ ਨਾ ਹੋਵੇ । ਸ਼ਹਿਰ ਅੰਦਰ ਟੈ੍ਰਫਿਕ ਨੂੰ ਕੰਟਰੋਲ ਕਰਨ ਦੇ ਲਈ ਭਗਤ ਸਿੰਘ ਚੌਂਕ ਵਿੱਚ ਸਪੀਕਰ ਰਾਹੀ ਵਾਹਨ ਚਾਲਕਾਂ ਨੂੰ ਆਪਣੀਆ ਗੱਡੀਆਂ ਸਹੀ ਢੰਗ ਨਾਲ ਪਾਰਕਿੰਗ ਕਰਨ ਦੀ ਸਮੇਂ ਸਮੇਂ ਤੇ ਚਿਤਾਵਨੀ ਵੀ ਦਿੱਤੀ ਜਾਵੇਗੀ ਜਿਸ ਦੇ ਲਈ ਲੋਕਾਂ ਨੂੰ ਸਹਿਯੋਗ ਕਰਨਾ ਚਾਹੀਦਾ ਹੈ ।

ਆਵਾਜ਼ਾਈ 'ਚ ਵਿਘਨ ਪਾਉਣ ਵਾਲਿਆਂ ਨੂੰ ਬਖਸ਼ਿਆ ਨਹੀਂ ਜਾਏਗਾ - ਚਾਹੇ ਉਹ ਪੁਲਿਸ ਮੁਲਾਜ਼ਮ ਕਿਉਂ ਨਾ ਹੋਵੇ: ਬੁੱਟਰ

More from this channel