बीड : एका हातात साप, दुसऱ्या हातात सलाईन! चावलेल्या सापाला हातात घेत तरुणाने उपचार घेतले

2,807 views · Published 23 June 2018 · 1:50 · Indexed 1 November 2026

Channel: ABP MAJHA · 2018 · People & Blogs

Watch on YouTube

साप चावल्यानंतर सापाला दूर फेकून आपला जीव वाचवण्याचा प्रयत्न साधारणत: आपण करतो. मात्र बीडमधील तरुणाने सापासह रुग्णालय गाठले आणि उपचार घेतले. एका हातात साप आणि दुसऱ्या हाताला सलाईन, अशा स्थितीत लखन नामक तरुण हॉस्पिटलमध्ये बेडवर उपचार घेत होता.

लखन गायकवाड असे या 27 वर्षीय तरुणाचे नाव असून, तो बीड शहरातील काळा हनुमान ठाणा परिसरात राहणारा आहे.

बीड जिल्हा रुग्णालयात सकाळी 9.30 वाजण्याच्या सुमारास लखन गायकवाड हा तरुण साप चावला म्हणून स्वत: चालत जिल्हा रुग्णालयात दाखल झाला. यावेळी त्याच्या हातात पाच ते सहा फूट लांबीचा साप होता. हातातील साप पाहून सुरुवातील डॉक्टर घाबरले. मात्र त्या लखनला उपचाराची गरज असल्याचे लक्षात येताच डॉक्टरांनी तात्काळ त्याच्यावर उपचार सुरु केले.

More from this channel