Autoplay Next video from Max length

ചില്‍ഡ്രന്‍സ് ഹോമിലെ കുട്ടികളോടൊപ്പം ക്രിസ്തുമസ് ആഘോഷിച്ച് മന്ത്രി വിഎസ് സുനില്‍ കുമാര്‍_Reporter

879 views · Published 26 December 2018 · 1:41 · Indexed 12 October 2026

Channel: REPORTER LIVE · 2018 · News & Politics

ലോകമെങ്ങും ക്രിസ്തുമസ് വര്‍ണ്ണാഭമായി ആഘോഷിച്ചെങ്കിലും തൃശ്ശൂരില്‍ വ്യത്യസ്തമായ ഒരു ക്രിസ്തുമസ് ആഘോഷം നടന്നു. തൃശ്ശൂര്‍ ഗവണ്‍മെന്റ് ചില്‍ഡ്രന്‍സ് ഹോമിലെ 30ഓളം വരുന്ന കുട്ടികള്‍ ക്രിസ്തുമസ് ആഘോഷിച്ചത് എന്‍സിസി ക്യാമ്പില്‍ അതും കൃഷി വകുപ്പ് മന്ത്രി വി.എസ് സുനില്‍ കുമാറുമൊത്ത്.

തൃശ്ശൂര്‍ വിമല കോളേജില്‍ നടന്നുവരുന്ന എന്‍സിസി ക്യാമ്പിലാണ് ചില്‍ഡ്രന്‍സ് ഹോമിലെ കുട്ടികള്‍ക്കൊപ്പം ക്രിസ്തുമസ് ആഘോഷങ്ങള്‍ അര്‍ത്ഥവത്താക്കാന്‍ മന്ത്രി സുനില്‍ കുമാറെത്തിയത്. തൃശ്ശൂര്‍ ഏഴാം കേരള ഗേള്‍സ് ബറ്റാലിയന്റെ പത്ത് ദിവസത്തെ എന്‍സിസി ക്യാമ്പാണ് കോളേജില്‍ നടന്നുവരുന്നത്. വൈകീട്ട് എഴ് മണിയോടെ ക്യാമ്പിലെത്തിയ മന്ത്രിയെ എന്‍സിസി കാഡറ്റുകള്‍ ഗാര്‍ഡ് ഓഫ് ഓണര്‍ നല്‍കി സ്വീകരിച്ചു.

കുട്ടികളുടെ ഗാര്‍ഡ് ഓഫ് ഓണറും ഡ്രില്ലും മന്ത്രി വിലയിരുത്തി. തുടര്‍ന്ന് ചില്‍ഡ്രന്‍സ് ഹോമിലെ കുട്ടികളെ വെടിവെക്കാന്‍ പഠിപ്പിച്ച് മുന്‍ എന്‍സിസി കേഡറ്റുകൂടിയായ മന്ത്രി തന്റെ കലാലയ ഓര്‍മ്മകള്‍ പങ്കുവെച്ചു. കേഡറ്റുകളാകട്ടെ, മന്ത്രിയെ തൊപ്പികൂടിയണിയിച്ചപ്പോള്‍ മന്ത്രി അക്ഷരാര്‍ത്ഥത്തില്‍ ഒരു എന്‍സിസി കേഡറ്റായി മാറുകയായിരുന്നു.

ക്രിസ്മസ് അര്‍ത്ഥവത്താകണമെന്നുള്ള ക്യാമ്പ് കമാന്‍ന്റ് കേണല്‍ എച്ച് പദ്മനാഭന്റെ ആഗ്രഹമാണ് ഈ വേറിട്ട ആഘോഷത്തിനു പിറകില്‍. ഇതിനായി തൃശൂര്‍ ഗവ ചില്‍ഡ്രന്‍സ് ഹോമിലെ മുപ്പതോളം കുട്ടികളെ അദ്ദേഹം ക്യാമ്പിലെത്തിക്കുകയായിരുന്നു.

ക്യാമ്പിലെ 650 ഓളം വരുന്ന കേഡറ്റുകള്‍ അവരെ കാത്തിരുന്നു. അവരുമൊത്ത് ആടിയും പാടിയും കേക്ക് മുറിച്ചും ഒന്നിച്ച് ഭക്ഷണം കഴിച്ചും സന്തോഷം പങ്കുവെച്ചു. സമൂഹത്തില്‍ പാര്‍ശ്വവല്‍ക്കരിക്കപ്പെട്ടവരേയും നിരാലംബരേയും ഉയര്‍ത്തിക്കൊണ്ടുവരാന്‍ എന്‍സിസി നടത്തുന്ന പരിശ്രമങ്ങളെ ശ്ലാഘിച്ചാണ് മന്ത്രി മടങ്ങിയത്.

Showcases : Democrazy,Big Story,Close Encounter,Editors Hour,Meet The Editors

Explore Reporter Live : News,Entertaiment,Sports,Business,Tech,Pravasi,Life & Style,Environment,Metro,Crime,Health,E-Reporter,Astrology.

#ReporterLive  #LatestMalayalamNews  #EditorsHour

Subscribe to Reporter Live YouTube Channel here  ► https://goo.gl/qvHvnA

Website     ► http://www.reporterlive.com
Facebook  ► https://www.facebook.com/reporterlive/
Twitter       ► http://twitter.com/reporter_tv
Playstore   ► https://goo.gl/HEQ6fe


Team Reporter

ചില്‍ഡ്രന്‍സ് ഹോമിലെ കുട്ടികളോടൊപ്പം ക്രിസ്തുമസ് ആഘോഷിച്ച് മന്ത്രി വിഎസ് സുനില്‍ കുമാര്‍_Reporter

More from this channel