Autoplay Next video from Max length

ਚੋਰੀ ਦੇ 20 ਮੋਟਰਸਾਈਕਲਾਂ ਸਮੇਤ 7 ਕਾਬੂ 1 ਫ਼ਰਾਰ | ATV NEWS 24/7 | Dailyaashiana.com

32 views · Published 3 January 2018 · 3:29 · Indexed 29 October 2026

Channel: ATV NEWS 24/7 HD · 2018 · Entertainment

ਫ਼ਿਰੋਜ਼ਪੁਰ 3 ਜਨਵਰੀ (ਗੁਰਮੇਜ ਸਿੰਘ) ਸੀਨੀਅਰ ਕਪਤਾਨ ਪੁਲਿਸ ਫ਼ਿਰੋਜ਼ਪੁਰ ਸ੍ਰ. ਭੁਪਿੰਦਰ ਸਿੰਘ ਸਿੱਧੂ ਪੀ.ਪੀ.ਐੱਸ ਦੀ ਰਹਿਨੁਮਾਈ ਹੇਠ ਮਾੜੇ ਅਨਸਰਾਂ ਵਿਰੁੱਧ ਚਲਾਈ ਜਾ ਰਹੀ ਮੁਹਿੰਮ ਨੂੰ ਉਸ ਸਮੇਂ ਵੱਡੀ ਸਫਲਤਾ ਮਿਲੀ ਜਦੋਂ ਸ੍ਰੀ. ਅਜਮੇਰ ਸਿੰਘ ਬਾਠ ਕਪਤਾਨ ਪੁਲਿਸ, ਸ੍ਰੀ. ਭੁਪਿੰਦਰ ਸਿੰਘ ਭੁੱਲਰ ਉਪ ਕਪਤਾਨ ਪੁਲਿਸ, ਸ੍ਰੀ. ਹਰਿੰਦਰ ਸਿੰਘ ਡੋਡ ਉਪ ਕਪਤਾਨ ਪੁਲਿਸ ਦੀ ਨਿਗਰਾਨੀ ਹੇਠ ਇੰਸਪੈਕਟਰ ਅਵਤਾਰ ਸਿੰਘ ਇੰਚਾਰਜ ਸੀ.ਆਈ.ਏ. ਸਟਾਫ਼ ਅਤੇ ਇੰਸਪੈਕਟਰ ਗੁਰਵਿੰਦਰ ਸਿੰਘ ਭੁੱਲਰ ਵੱਲੋਂ 6 ਵਿਅਕਤੀਆਂ ਨੂੰ ਚੋਰੀ ਦੇ ਮੋਟਰਸਾਈਕਲਾਂ ਸਮੇਤ ਗ੍ਰਿਫ਼ਤਾਰ ਕੀਤਾ ਗਿਆ।

ਸ੍ਰ. ਭੁਪਿੰਦਰ ਸਿੰਘ ਨੇ ਦੱਸਿਆ ਕਿ ਗ੍ਰਿਫ਼ਤਾਰ ਕੀਤੇ ਵਿਅਕਤੀਆਂ ਵਿਚੋਂ ਮੁੱਖ ਦੋਸ਼ੀ ਸੂਰਜ ਸਿੰਘ ਪੁੱਤਰ ਜੋਗਿੰਦਰ ਸਿੰਘ ਵਾਸੀ ਪੀਰਾਂਵਾਲਾ ਦਾ ਹੈ ਅਤੇ ਇਸ ਵਿਅਕਤੀ ਖ਼ਿਲਾਫ਼ ਪਹਿਲਾ ਵੀ 5 ਮੁਕੱਦਮੇ ਦਰਜ ਹਨ। ਉਨ੍ਹਾਂ ਦੱਸਿਆ ਕਿ ਸੈਮੂਅਲ ਪੁੱਤਰ ਜਗਦੀਸ਼ ਵਾਸੀ ਲੇਲੀ ਵਾਲਾ, ਅਜੇ ਪੁੱਤਰ ਯੂਸਫ਼ ਵਾਸੀ ਕੋਠੀ ਰਾਏ ਸਾਹਿਬ, ਦੀਪੂ ਪੁੱਤਰ ਬਸ਼ੀਰ ਵਾਸੀ ਪੀਰਾਂ ਵਾਲਾ, ਸੁਖਦੇਵ ਸਿੰਘ ਪੁੱਤਰ ਮੰਗਲ ਸਿੰਘ ਵਾਸੀ ਬਸਤੀ ਨਿਜ਼ਾਮ ਵਾਲਾ, ਸਾਗਰ ਪੁੱਤਰ ਦੇਵੀ ਲਾਲ ਵਾਸੀ ਹੱਡਾ ਰੋੜੀ ਵੱਲੋਂ ਜ਼ਿਲ੍ਹਾ ਫ਼ਿਰੋਜ਼ਪੁਰ ਦੀਆਂ ਵੱਖ-ਵੱਖ ਥਾਵਾਂ ਤੋਂ ਚੋਰੀ ਕੀਤੇ ਗਏ 20 ਮੋਟਰ ਸਾਈਕਲ ਅਤੇ ਇੱਕ ਐਕਟਿਵਾ ਬਰਾਮਦ ਕੀਤੇ ਗਏ ਹਨ ਅਤੇ ਇੱਕ ਦੋਸ਼ੀ ਮਿੰਟੂ ਪੁੱਤਰ ਲਾਲ ਚੰਦ ਵਾਸੀ ਪੀਰਾਂਵਾਲਾ ਜੋ ਕਿ ਫ਼ਰਾਰ ਹੈ। ਇਨ੍ਹਾਂ ਦੋਸ਼ੀਆਂ ਖ਼ਿਲਾਫ਼ ਮੁਕੱਦਮਾ ਨੰਬਰ 3 ਮਿਤੀ 2-1-2018 ਅ/ਧ 420,379,411,467,468,471,465, ਭ:ਦ ਦਰਜ ਕੀਤਾ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਤੋਂ ਇਲਾਵਾ ਇਨ੍ਹਾਂ ਦੋਸ਼ੀਆਂ ਵੱਲੋਂ 6 ਸ਼ਰਾਬ ਦੇ ਠੇਕਿਆਂ ਤੇ ਚੋਰੀ ਕਰਨ ਦਾ ਦੋਸ਼ ਵੀ ਮੰਨਿਆ ਹੈ।
ਇਸ ਤੋਂ ਇਲਾਵਾ ਉਨ੍ਹਾਂ ਦੱਸਿਆ ਕਿ ਐੱਸ.ਆਈ. ਰਮਨ ਕੁਮਾਰ ਮੁੱਖ ਅਫ਼ਸਰ ਥਾਣਾ ਮੱਲਾਵਾਲਾ ਨੇ ਸ੍ਰੀ. ਜਸਪਾਲ ਸਿੰਘ ਉਪ ਕਪਤਾਨ ਪੁਲਿਸ ਜ਼ੀਰਾ ਦੀ ਰਹਿਨੁਮਾਈ ਹੇਠ 1 ਵਿਅਕਤੀ ਬੂਟਾ ਸਿੰਘ ਪੁੱਤਰ ਸਾਬਾ ਸਿੰਘ ਵਾਸੀ ਗੁਰਦਿੱਤੀ ਵਾਲਾ ਤੋਂ 12 ਚੋਰੀ ਦੇ ਮੋਟਰਸਾਈਕਲ ਬਰਾਮਦ ਕਰਕੇ ਮੁਕੱਦਮਾ ਨੰਬਰ: 01 ਮਿਤੀ 01 ਜਨਵਰੀ 2018 ਅ/ਧ 379, 411,413,ਭ:ਦ: ਦਰਜ ਕੀਤਾ ਗਿਆ ਹੈ।

ਚੋਰੀ ਦੇ 20 ਮੋਟਰਸਾਈਕਲਾਂ ਸਮੇਤ 7 ਕਾਬੂ 1 ਫ਼ਰਾਰ | ATV NEWS 24/7 | Dailyaashiana.com

More from this channel